Veturinn 2011 – 2012 í Hraunkoti

Barnahópurinn:

• Í Hraunkoti eru 27 börn á aldrinum þriggja til fimm ára.

• Fimmtán börn eru í skólahóp (fædd 2006), það eru sjö stelpur og átta strákar.

• Í yngri hóp eru tólf börn, þar af eru tíu fædd 2007 (tvær stelpur og átta strákar) og tvær stelpur fæddar 2008.

• Á matarborð og í íþróttir og listir skiptast börnin eins og sést í töflunni hér fyrir neðan.

Starfið og dagskipulagið:

Börnin á Hraunkoti hafa gaman af frjálsum leik og notum við það mikið í t.d. vali og útiveru. Starfsemi deildarinnar fellur undir skólanámskrá leikskólans og þann ramma sem hún skapar. Deildin opnar kl. 8:00 en börn sem mæta fyrir þann tíma koma inn á Hvannakot. Rólegur leikur er til 8:30.

Morgunmatur er frá 8:30 - 9:00 þegar hópastarf byrjar.

Hópastarf er mánudaga - fimmtudaga milli ca. 9:15 - 9:45 (starf skólahóps þó bara þri. - fim.), en á föstudögum er söngstund. Í lok hópastarfs er ávaxtastund með hópnum.

Eftir hópastarf er útivera, val, íþróttir eða listir fram að hádegismat sem byrjar um kl. 11:30

Eftir hádegismat er hvíld, sum yngri börn sofa, en önnur fara í rólega stund þar sem lesin er bók. Guli hópur fer alltaf í íþróttir eða listir í hvíldinni.

Eftir hvíld fara börnin út, en þá daga sem íþróttir og listir eru eftir hádegi fara börnin e.t.v. styttra út, eða einungis út fyrir hádegi.

Nónhressing byrjar um kl. 14:30 og eftir hana er rólegur leikur og kveðjustund þar til leikskólinn lokar.